 17 май көнне 6 нчы санлы китапханәдә уртанчы сыйныф укучылары өчен бөек полководец А.Невскийның тууына 800 ел тулуга багышланган тарихи сәяхәт дәресе узды.
Александр Невский – үзендә курку белмәс сугышчы, оста дипломат, зирәк дәүләт эшлеклесе сыйфатларын туплаган, кылычы, сүзе, сөйләшүләр алып баруы һәм ышанычы белән христиан Рус илен көнбатышта тәре йөртүчеләрдән һәм көнчыгышта монгол гаскәрләреннән саклап калуга ирешкән күпкырлы шәхес.
Чара барышында балалар Россиядә аның исемендә орден булдырылуы, православ чиркәвенең аны Изге дип игълан итүе һәм рус җирен саклаучы буларак аны олылавы турында белде. Чарага килүчеләр борынгы рус әдәбиятының һәйкәле – «О житии Александра Невского» повесте белән танышты, С. Эйзенштейнның «Александр Невский» нәфис фильмыннан өзекләр карады. Укучылар «Невский турында без нәрсә беләбез?» викторинасында актив катнашты һәм теманы, рус җирен яклаучының җыелма образы буенча белемнәрен сынады.
|
